23 FEVRAL KUNIGA OB-HAVO PROGNOZI

MUHIM HODISALAR

Joriy yilning 24-27 fevral kunlari O‘zbekiston hududiga nam va sovuq havo massalari kirib keladi. Respublika bo‘yicha ob-havoning keskin o‘zgarishi kutilmoqda.
24-27 fevral kunlari respublika bo‘yicha vaqti-vaqti bilan yog‘ingarchilik, ba’zi joylarda kuchli (yomg‘ir yog‘adi, 25-27 fevralda qorga aylanadi) bo‘ladi. Shimolda vaqti-vaqti bilan qor yog‘adi.
Ayrim joylarda shamol tezligi 15-20 m/s gacha, ba’zida 23-25 m/s gacha kuchayishi mumkin.
26-27 fevral kunlariga kelib, havo harorati kechalari 0-5 daraja sovuqqacha, shimolda 6-9 daraja sovuqqacha, kunduz kunlari 0-5 daraja iliqqacha pasayadi. 

23 FEVRAL KUNIGA OB-HAVO PROGNOZI 

O‘zbekiston bo‘yicha havo biroz bulutli bo’ladi, ba’zi joylarda yomg’ir yog’adi, ayrim joylarda kuchli bo’lishi mumkin, shimolda qor yog’adi. Toshkent, Sirdaryo viloyatlarida kechga tomon yomg’ir yog’ishi mumkin. Surxondaryo viloyatida va Farg’ona vodiysi viloyatlarida yog’ingarchilik kutilmaydi. Shamol sharqdan 7-12 m/s tezlikda esadi, ba’zi joylarda 15-20 m/s gacha kuchayishi mumkin. Harorat 15-20° iliq, shimolda 0-5° sovuq bo’ladi.

Toshkentda havo biroz bulutli bo’ladi, yog’ingarchilik kutilmaydi, kechqurun biroz yomg’ir yog’ishi mumkin. Shamol sharqdan 3-8 m/s tezlikda esadi. Harorat 18-20° iliq bo’ladi.

Respublikaning tog’li hududlarida havo biroz bulutli bo’ladi, ba’zi joylarda yog’ingarchilik (yomg’ir, qor), ayrim joylarda kuchli bo’ladi. Sharqiy shamol yo’nalishini o’zgartirib, g’arbdan 7-12 m/s tezlikda esadi, ba’zi joylarda 13-18 m/s gacha kuchayishi mumin. Harorat 7-12° iliq bo’ladi.