O‘ZBEKISTON BO‘YICHA 2024 YIL 4-8 NOYABR KUNLARIGA OB-HAVO PROGNOZI

O‘ZBEKISTON BO‘YICHA 2024 YIL 4-8 NOYABR KUNLARIGA 
OB-HAVO PROGNOZI

Bugun O‘zbekiston hududining katta qismida noyabr oyining boshi uchun deyarli iliq ob-havo saqlanib turadi. Havo harorati 20-25^o iliq atrofida bo‘ladi. Faqat respublika shimolida havo harorati 8-13^o iliqqacha pasayadi.

Qoraqalpog‘iston Respublikasi, Xorazm, Buxoro, Navoiy viloyatlarida va kunning ikkinchi yarmida Toshkent, Samarqand, Jizzax, Sirdaryo, Qashqadaryo viloyatlarida ba’zi joylarda yomg‘ir yog‘adi.

Ertadan respublikaning barcha hududlari bo‘yicha havo harorati asta–sekin pasyishi boshlanadi. 

Havo harorati 5 noyabrda kunduzi 13-18^o iliq, 6 noyabrda 10-15^o iliq atrofida bo‘ladi, 7-8 noyabrda esa harorat 5-10^o iliqqacha pasayadi.

Kechalari sovuq bo‘ladi. Respublika hududining katta qismida 7-8 noyabr kunlari harorat kechalari 0-5^o iliqqacha, ba’zi joylarda 2^o sovuqqacha, Ustyurtda 
3-4^o sovuqqacha pasayadi.

5-6 noyabr kunlari respublikaning barcha hududlari bo‘yicha yomg‘ir yog‘adi, ba’zi joylarda kuchli bo‘ladi.

7-8 noyabrda hududning katta qismida yomg‘ir kuzatilmaydi. 7 noyabr kuni Surxondaryo viloyati va Farg‘ona vodiysida, shuningdek, 7-8 noyabr kunlari Qoraqalpog‘iston Respublikasi va Xorazm viloyatining ayrim joylarida asosan jadalligi biroz bo‘lgan yomg‘ir yog‘adi. Shimolda yomg‘ir va ho‘l qor ko‘rinishidagi aralash yog‘ingarchilik bo‘lishi ehtimoli bor.

Tog‘larda vaqti-vaqti bilan yog‘ingarchilik (yomg‘ir, ba’zi joylarda qorga aylanadi), 5-6 noyabrda ba’zi joylarda kuchli bo‘ladi.

Respublika bo‘yicha ba’zi joylarda shamol tezligi 15-20 m/s gacha kuchayishi mumkin.

7-8 noyabr kunlari ayrim joylarga tuman tushadi.

Poytaxtimizda: bugun 4 noyabrda kechga tomon yomg‘ir yog‘adi, 
5-6 noyabrda vaqti-vaqti bilan yomg‘ir yog‘adi, 7-8 noyabrda yog‘ingarchilik kutilmaydi.

G‘arbiy shamol yo‘nalishini o‘zgartirib, shimoli-sharqdan 5-10 m/s tezlikda esadi, 4-5 noyabrda 10-14 m/s gacha kuchayishi mumkin.

Havo harorati bugun kunduzi 23-25^o iliq, 5 noyabrda 15-17^o iliq, 
6 noyabrda 10-12^o iliq, 7-8 noyabrda 7-10^o iliq bo‘ladi.

5-6 noyabrda kechalari 10-12^o iliq, 7 noyabrda 4-6^o iliq, 8 noyabrda 
0-3^o iliq bo‘ladi.

2024 yil 4 noyabr

O‘zgidromet