O‘ZBEKISTON BO‘YICHA 2024 YIL 26-30 AVGUST KUNLARIGA OB-HAVO PROGNOZI

Bugun va ertaga O‘zbekiston bo‘yicha quruq va iliq ob-havo saqlanib turadi. Hududning katta qismida havo harorati 32-35^o atrofida, janubda 36-38^o gacha bo‘ladi.

Hafta o‘rtasida respublika hududiga nisbatan salqin havo kirib keladi va harorat foni 2-3^o ga pasayadi. Chorshanba va payshanba kunlari havo harorati kunduz kunlari 27-30^o atrofida, janubda 35^o gacha bo‘ladi. Kechasi va erta tongda harorat 17-20^o gacha pasayishi kutilmoqda.

Juma kunidan boshlab harorat asta-sekin ko‘tariladi, haroratning ushbu ko‘tarilishi dam olish kunlarida ham davom etadi. Kunduz kungi harorat yana 
30-35^o gacha ko‘tariladi.

28 avgust – chorshanba kuni Toshkent, Jizzax, Sirdaryo viloyatlarining ayrim joylarida jadalligi asosan biroz bo‘lgan qisqa muddatli yomg‘ir yog‘ishi mumkin. 28-29 avgust kunlari Farg‘ona vodiysi viloyatlarida, shuningdek, respublikaning tog‘ oldi va tog‘li hududlarida momaqaldiroqli qisqa muddatli yomg‘ir yog‘ishi mumkin.

Sharqiy yo‘nalishdagi shamol, g‘arbdan 9-14 m/s tezlikda esadi, 28 avgustda ba’zi joylarda 15-20 m/s gacha kuchayishi, ayrim joylarda chang-to‘zonlar bilan kuzatilishi mumkin.

Poytaxtimizda: asosan yog‘ingarchiliksiz ob-havo bo‘lishi kutilmoqda, faqat 28 avgustda biroz qisqa muddatli yomg‘ir yog‘ishi, momaqaldiroq bo‘lishi mumkin, shamol tezligi 10-12 m/s gacha kuchayishi mumkin. Harorat asosan kechalari 15-20^o, kunduz kunlari 26-27 avgustda 30-33^o, 28-29 avgustda 27-30^o bo‘ladi. 

2024 yil 26 avgust

O‘zgidromet