O‘ZBEKISTON BOYICHA 7-10 DEKABR KUNLARIGA OB-HAVO PROGNOZI

O‘ZBEKISTON BOYICHA 7-10 DEKABR KUNLARIGA OB-HAVO PROGNOZI

Bugun kunduzi O‘zbekiston hududi bo‘yicha ob-havo bulutli bo‘ladi, yog‘ingarchilik bo‘lmaydi. Harorat 8-13^o iliq, shimolda 0-5^o iliq bo‘ladi.

Ertaga, 8 dekabr kuni respublikaning ko‘pchilik hududlarida ba’zi joylarda yomg‘ir yog‘adi, faqat Qoraqalpog‘iston Respublikasi, Xorazm, Surxondaryo viloyatlari va Farg‘ona vodiysi viloyatlarida yog‘ingarchilik kutilmaydi. Havo harorati kechasi 0-5^o iliqqacha, kunduzi 5-10^o iliqqacha, shimolda kechasi 2-7^o sovuqqacha, kunduzi 0-2^o sovuqqacha pasayadi.

9 dekabr, shanba kuni yomg‘ir va qor ko‘rinishidagi yog‘ingarchilik faqat O‘zbekistonning markaziy va sharqiy hududlarida saqlanib turadi.

8-9 dekabr kunlari tog‘li hududlarda yog‘ingarchilik - asosan qor shaklida bo‘ladi, ba’zi joylarda yog‘ingarchilik kuchli bo‘ladi.

8-9 dekabr kunlari respublika bo‘yicha ba’zi joylarda shamol 15-20 m/s gacha kuchayishi kutilmoqda

10-dekabr - yakshanba kuni respublikaning ko‘pchilik hududlarida yog‘ingarchilik kutilmaydi, Qoraqalpog‘iston Respublikasi va Xorazm viloyatida ba’zi joylarda biroz qor yog‘adi. Havo harorati shanba kuni kechasi 0-5^o iliq, kunduzi 3-8^o iliq, yakshanba kuni kechasi 2^o sovuqdan 3^o iliqqacha, kunduzi 5-10^o iliq atrofida bo‘ladi.

Respublika shimolida dam olish kunlari kechasi 5-10^o sovuqqacha, kunduzi 0-5^o sovuqqacha bo‘ladi

Keyingi haftaning birinchi yarmida sovuq respublikaning barcha hududlarini qamrab oladi. Havo harorati kechalari 8-13^o sovuqqacha, kunduz kunlari 3-8^o sovuqqacha pasayadi. Respublika shimolida harorat kechalari 15-20^o sovuqqacha, kunduz kunlari 7-12^o sovuqqacha pasayadi.

Poytaxtimizda: 7 va 10 dekabr kunlari yog‘ingarchilik kutilmaydi, 8 dekabrda kunning ikkinchi yarmida yomg‘ir yog‘adi, 9 dekabrda vaqti-vaqti bilan yog‘ingarchilik (yomg‘ir, qorga aylanishi mumkin) bo‘ladi. Harorat 7 dekabrda 9-11^o iliq, 8-10 dekabrda kechasi 0-5^o iliq, kunduzi 4-9^o iliq bo‘ladi.

2023 yil 7 dekabr

O‘zgidromet