O‘ZBEKISTON BO‘YICHA 23-27 OKTABR KUNLARIGA OB-HAVO PROGNOZI

Bugun kunduzi O‘zbekistonning markaziy va janubi-sharqiy hududlarida asosan jadalligi biroz bo‘lgan yomg‘irlar yog‘adi. Qoraqalpog‘iston Respublikasi, Xorazm, Buxoro, Navoiy viloyatlarida yog‘ingarchilik kutilmaydi. Havo harorati 13-18^o atrofida, ba’zi joylarda 20^o gacha bo‘ladi.

Respublikaning ayrim joylarida shamol tezligi 15-20 m/s gacha kuchayishi mumkin.

24-25 oktabr kunlari O‘zbekistonning barcha hududlari bo‘yicha havo asosan biroz bulutli bo‘ladi, yog‘ingarchilik kutilmaydi. Havo harorati ko‘tariladi va hafta o‘rtasiga kelib, kunduz kunlari havo 22-25^o gacha, janubda 27^o gacha isiydi.

26 oktabrda respublika hududiga Volga bo‘yi hududlaridan nam havoning yangi qismi kirib kelishi kutilmoqda. Markaziy, janubiy va sharqiy hududlarda yana yomg‘ir yog‘adi, harorat 15-20^o gacha pasayadi.

27 oktabrda O‘zbekiston bo‘yicha yog‘ingarchilik kutilmaydi, harorat 17-22^o bo‘ladi.

Ushbu hafta davomida harorat kechalari 7-12^o iliq atrofida bo‘ladi. Respublikaning ayrim joylariga kechasi va ertalab tuman tushishi mumkin.

Poytaxtimizda: 23 oktabrda vaqti-vaqti bilan biroz yomg‘ir yog‘adi. Harorat 14-16^o bo‘ladi.

24-25 oktabr kunlari havo asosan biroz bulutli bo‘ladi, yog‘ingarchilik kutilmaydi. Harorat 21-24^o gacha ko‘tariladi. 

26 oktabrda yomg‘ir yog‘adi, harorat 16-18^o bo‘ladi.