O‘ZBEKISTON BO‘YIChA 14-18 AVGUST KUNLARIGA OB-HAVO PROGNOZI

Ushbu hafta davomida harorat foni me’yordan past bo‘ladi.

Sinoptiklar ogohlantirganidek, o‘tgan dam olish kunlari O‘zbekiston hududiga Ural hududlaridan salqin havo kirib keldi va havo harorati barcha joylarda 29-32^o gacha, janubiy hududlarda 34-35^o gacha pasaydi.

Bugun va ertaga respublika hududi bo‘yicha salqin ob-havo saqlanib turadi, harorat kechalari 13-16^o, kunduz kunlari 27-32^o, janubda 35^o gacha bo‘ladi. Bu avgust oyi o‘rtasi uchun me’yoriy qiymatlardan 2-4^o ga pastdir.

Hafta o‘rtasidan salqin havo massasi respublika hududidan asta-sekin chekina boshlaydi, havo harorati ko‘tariladi va hafta oxiriga kelib, kechalari 17-20^o, kunduz kunlari 34-37^o atrofida bo‘ladi.

Ushbu kunlarda hududning katta qismida quruq va kam bulutli ob-havo saqlanib turadi, faqat Farg‘ona viloyatining ayrim tog‘li hududlarida bugun kechga tomon qisqa muddatli yomg‘ir yog‘ishi, momaqaldiroq bo‘lishi mumkin.

14-15 avgust kunlari respublika bo‘yicha ba’zi joylarda shamol tezligi 15-20 m/s gacha kuchayadi, ayrim joylarda chang-to‘zon bilan kuzatiladi.

Poytaxtimizda: 14-18 avgust kunlari havo kam bulutli bo‘ladi. Bugun va ertaga harorat 29-32^o bo‘ladi, so‘ng 34-37^o gacha asta-sekin ko‘tariladi. Hafta boshida harorat kechasi va ertalab 13-16^o, hafta oxiriga kelib 17-20^o bo‘ladi. Shamol sharqdan birozdan o‘rtachagacha esadi.