"Xalqaro meteorologiya kuni"

23-mart "Xalqaro meteorologiya kuni" munosabati bilan hamda,  qishloq xo‘jaligini iqlim o‘zgarishiga moslashtirish, mavjud muammolar va O‘zbekiston sharoitlarida samara beradigan yechimlarga bag‘ishlangan ilmiy-amaliy anjuman bo‘lib o‘tdi.

📍O‘zbekiston va Yaponiyaning prognozlashtirish va ma’lumotlarni taxlil qilish tizimlarini takomillashtirish soxasida tadqiqot va amaliyot olib boruvchi mutaxassislar tomonidan meva-sabzavot mahsulotlari yetishtiruvchilari va umuman qishloq xo‘jaligining iqlimga chidamliligini oshirish masalalari muhokama qilindi.

🤝 Anjuman Yaponiya hukumatining moliyaviy ko‘magida amalga oshirilayotgan BMTTD va O‘zbekiston Respublikasi Gidrometeorologik xizmati agentligining qo‘shma loyihasi, shuningdek, O‘zbekistonda iqlim o‘zgarishi masalalari bo‘yicha SATREPS loyihasi tomonidan tashkil etilgan.