O‘zbekiston bo‘yicha 13-17 mart kunlariga ob-havo prognozi

Ushbu hafta davomida respublika hududi bo‘yicha asosan kam bulutli, quruq ob-havo bo‘ladi.

Kechagi sovuqdan so‘ng, bugun kunduz kuni havo isiy boshlaydi va haftaning o‘rtasiga kelib, kunduzgi havo harorati 22-25^o ga yetadi, janubda ba’zi joylarda 26-28^o gacha bo‘ladi.

Haftaning ikkinchi yarmida Qozog‘iston bo‘yicha o‘tayotgan antisiklon respublikamiz hududi bo‘yicha kunduzgi havo haroratini 18-20^o gacha biroz pasaytiradi.

15-16 mart kunlari respublikamizning shimoliy va cho‘l hududlarida shamol tezligi 15-20 m/s gacha kuchayishi kutilmoqda.

13-15 martda respublikaning tog‘li hududlarida qor ko‘chishi xavfi bor.

Poytaxtimizda: bugun kunduzi va hafta oxirigacha havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqiy yo‘nalishda birozdan o‘rtachagacha bo‘lgan tezlikda esadi.

Havo harorati asosan 18-22^o iliq bo‘ladi.