O‘zbekiston bo‘yicha 3-5-mart kunlariga ob-havo prognozi

Bugun O‘zbekiston hududi bo‘yicha havo bulutli bo‘ladi, yog‘ingarchilik kutilmaydi, faqat Toshkent viloyatining tog‘oldi va tog‘li hududlarida yomg‘ir yog‘adi, baland tog‘larda yog‘ingarchilik (yomg‘ir, qor) bo‘ladi. Kunduzgi harorat 15-20^o iliq atrofida, janubda ba’zi joylarda 23^o iliqgacha bo‘ladi.

4-martda respublikaning shimoli-g‘arbiy hududlariga Kavkaz hududlaridan nam havo massalari kirib kelishi boshlanadi. Qoraqalpog‘iston Respublikasida ba’zi joylarda biroz yomg‘ir yog‘ishi mumkin. 5-martda nam havo massasi O‘zbekistonning barcha hududlariga tarqaladi. Respublika bo‘yicha ba’zi joylarda yomg‘ir yog‘adi. Qoraqalpog‘iston Respublikasi, Xorazm viloyatida va Farg‘ona vodiysi viloyatlarida yog‘ingarchilik kutilmaydi.

Kunduzgi havo harorati 21-24^o iliq, yomg‘ir paytida 18-20^o iliq atrofida bo‘ladi.

3-5-mart kunlari respublika bo‘yicha ba’zi joylarda shamol tezligi 15-20 m/s gacha kuchayishi, ayrim joylarda chang-to‘zon bilan kuzatiladi. Navoiy va Jizzax viloyatlarida 5-martda 22-25 m/s gacha kuchayishi mumkin.

Poytaxtimizda: 3-4-mart kunlari havo kam bulutli bo‘ladi, yog‘ingarchilik kutilmaydi. 5-martda biroz yomg‘ir yog‘adi. Shamol sharqdan 5-10 m/s tezlikda esadi, 5-martda 12-15 m/s gacha kuchayishi mumkin.

Havo harorati bugun kunduzi 17-19^o iliqni, shanba va yakshanba kunlari 19-21^o iliqni tashkil etadi.