O‘zbekiston bo‘yicha 6-10-fevralga ob-havo prognozi Keyingi sovuq kuchli bo‘lmaydi

Bugun va ertaga O‘zbekiston hududi iliq havo massasi ta’siri ostida bo‘ladi.

Respublika hududining katta qismida yog‘ingarchilik kutilmaydi, faqat 6-fevralda respublika janubida, 7-fevralda Farg‘ona vodiysi viloyatlarida biroz yomg‘ir yog‘ishi mumkin. Havo harorati 6-fevralda 7-12^o iliq, 7-fevralda 10-15^o iliq, ba’zi joylarda 18^o iliqgacha bo‘ladi.

8-fevralda O‘zbekiston hududiga O‘rta yer dengizi hududlaridan nam havo kirib kelishi kutilmoqda. Respublika bo‘yicha ba’zi joylarda yomg‘ir yog‘adi, ayrim joylarda momaqaldiroq bo‘lishi mumkin. Farg‘ona vodiysi viloyatlarida yog‘ingarchilik kutilmaydi.

Havo harorati kechasi 2-7^o iliq, kunduzi 10-15^o iliq atrofida, ba’zi joylarda 17-20^o iliqgacha bo‘ladi.

9-10-fevralda O‘zbekiston hududiga markazi Rossiyaning Yevropa qismi ustida shakllangan sovuq antisiklon qismi kirib keladi.

Respublika bo‘yicha vaqti-vaqti bilan yog‘ingarchilik (yomg‘ir qorga aylanadi) bo‘ladi. Tog‘oldi va tog‘li hududlarda kuchli yog‘ingarchilik bo‘lishi mumkin.

Havo harorati pasayadi. 9-fevralda respublika hududining katta qismida kechasi va kunduzi 4-9^o iliq, 10-fevralda kechasi 0-5^o sovuq, kunduzi 2^o sovuq-3^o iliq bo‘ladi. Respublika shimolida harorat kechasi 7-12^o sovuqgacha, Ustyurtda 15^o sovuqgacha, kunduzi 2-7^o sovuqgacha pasayadi.

7-9-fevralya respublika bo‘yicha ba’zi joylarda shamol tezligi 17-22 m/s gacha kuchayishi kutilmoqda.