Iqlim o'zgarishiga moslashish sohasida Milly moslashuv rejasi loyihasining milliy hamkorlari uchun salohiyatni oshirish bo'yicha treninglar

Kuzatilayotgan iqlim o'zgarishi shunchalik tez va shiddatli sodir bo'lmoqdaki, u davlatlar va jamiyatning iqtisodiy va barqaror rivojlanishiga tahdid solmoqda. Shunday qilib, iqlim o‘zgarishi Markaziy Osiyoda, xususan, iqlim o‘zgarishi ta’siri ayniqsa zaif bo‘lgan O‘zbekistonda allaqachon jiddiy muammolarni keltirib chiqardi. Mavjud vaziyat iqlim o'zgarishiga moslashish masalalarini davlatning ustuvor rivojlanish dasturlariga kiritish zarurligini belgilab berdi.

Loyiha treninglari Buxoro viloyatida 2022-yilning 18-avgustdan 19-avgust “Hotel Asia Bukhara”da bo‘lib o‘tmoqda. Tadbirda O’zgidromet Bosh direktori Sh.Khabibullayev, Gidrometeorologiya ilmiy-tadqiqot instituti direktori F.Agzamov  va mutasaddi xodimlar ishtirok etmoqdalar.

Trening maqsadi: Manfaatdor tomonlar va loyiha hamkorlarining mintaqaviy tarmog'ini yaratish. Loyiha bilan tanishish: maqsad, vazifalar, rejalashtirilgan tadbirlar, kutilayotgan natijalar. Milly moslashuv rejasi loyihasining milliy hamkorlari uchun asosiy sektorlar vakillari uchun iqlim oʻzgarishiga moslashish sohasida salohiyatni oshirish boʻyicha treninglar oʻtkazish.

Trening tadbirlari barcha foydalanuvchilarning iqlim o'zgarishiga moslashish va iqlim xavfini boshqarishda ishtirok etish printsipi asosida amalga oshiriladi, qaror qabul qiluvchilar, mutaxassislar, aholining turli guruhlari va umuman jamiyatni kasbiy va ta'lim darajasini oshirish va axborot bilan ta'minlash bo'yicha maqsadli sa'y-harakatlarni talab qiladi. Aholining xabardorligi iqlim o'zgarishiga moslashish muammosini hal qilish uchun jamoatchilikni jalb qilishning zaruriy shartidir.

Barcha trening ishtirokchilarga trening yakunida sertifikat taqdim etiladi.