O‘ZBEKISTON BO‘YIChA 8-10 APRELGA OB-HAVO PROGNOZI

BUGUN VA DAM OLISh KUNLARI ShAMOL TEZLIGI KUChAYIShI KUTILMOQDA

Bugun respublika hududining katta qismida iliq va quruq ob-havo bo‘lishi kutilmoqda, faqat Qoraqalpog‘istonda va kechga tomon Buxoro viloyatida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shimolda va cho‘l hududlarda shamol tezligi 17-22 m/s gacha kuchayishi, chang to‘zon bo‘lishi mumkin, shuningdek, shamol tezligi 23-25 m/s gacha kuchayishi ehtimoli bor. Havo harorati kunning o‘rtasiga kelib, respublika bo‘yicha 28-30° ni tashkil etadi, bu me’yordan 8-10° ga yuqori bo‘ladi.

9 aprelga o‘tar kechasi O‘zbekiston hududiga Turkmanistondan zich bulut qatlamlari kirib kelishi kutilmoqda, buning hisobiga Navoiy, Toshkent, Samarqand, Jizzax, Sirdaryo viloyatlarida kechasi ba’zi joylarda momaqaldiroq bilan qisqa muddatli yomg‘ir yog‘adi. Respublikaning tog‘ oldi va tog‘li hududlarida kun davomida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati 28-30° atrofida bo‘lishi saqlanib turadi

Yakshanba kuni respublika bo‘yicha yog‘ingarchilik kutilmaydi, faqat Qoraqalpog‘istonda va Xorazm viloyatida beqaror ob-havo kuzatiladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi harorat 30-35° gacha ko‘tariladi.

Dam olish kunlari respublika bo‘yicha ba’zi joylarda shamol tezligi 17-22 m/s gacha kuchayishi, chang to‘zon bo‘lishi mumkin.