Qishki Olimpiya o‘yinlari uchun meteorologik xizmat ko‘rsatish bo‘yicha Xitoy tajribasi

Ushbu kunlarda butun dunyo joriy yilning muhim voqealaridan biri – 2022 yilning 4-20-fevral kunlari Pekin shahrida bo‘lib o‘tayotgan Qishki Olimpiya o‘yinlarini diqqat bilan kuzatib bormoqda.

Sport musobaqalari o‘tkazish uchun maqbul sharoitlarni ta’minlash maqsadida bir qator ixtisoslashgan mutaxassislar jalb qilingan. Xitoy Milliy meteorologiya xizmati - Xitoy meteorologiya boshqarmasi (XMB) ham bebaho hissa qo‘shmoqda.

Ob-havo sharoiti asosiy omil deb hisoblanadi. Harorat, namlik, ko‘rinish, shamol yo‘nalishi va tezligi haqida aniq va ishonchli prognozlar va ogohlantirishlar tadbirlarni rejalashtirishga, sport ko‘rsatkichlari va yo‘llardagi sharoitlarga ta’sir qiladi, shuningdek sportchilar, yordamchi xodimlar va tomoshabinlarning xavfsizligiga xizmat qiladi.

Sport tadbirlarining asosiy joylarini joylashuvi

XMB sport tadbirlarini to‘g‘ri va xavfsiz o‘tkazishni ta’minlash uchun barcha texnologik va inson resurslarini safarbar qildi, chunki haqiqiy ob-havo sharoiti va yuqori aniqlikdagi ultra qisqa muddatli prognozlash bo‘yicha aniq ma’lumotlar, ayniqsa tog‘li hududlarda ochiq havoda o‘tkaziladigan tadbirlar uchun juda muhimdir.

Qishki o‘yinlarga tayyorgarlik jarayonida Chongli va Xaytuoshan tog‘li hududlarida meteorologik kuzatuvlar tarmog‘i sezilarli darajada kengaytirildi. Avtomatlashtirilgan ob-havo stansiyalari (AWSS), X-diapazonli ikkita polarizatsiyali dopler radarlari, bulut radarlari, mikroto‘lqinli radiometrlar, mikroto‘lqinli shamol profilometrlari, dopler shamol lidarlari, sodarlar, radiozondlar, sun’iy yo‘ldoshlar, ikkita dvigatelli tadqiqot samolyotlari va boshqalardan faol foydalanilmoqda.

Meteorologlar barcha meteorologik uskunalarning maqbul ishlashini ta’minlash uchun muntazam tekshiruvlar, texnik xizmat ko‘rsatish, haqiqiy vaqt tartibida monitoring va ta’mirlash ishlarini amalga oshiradilar.

Yuqori sifatli meteorologik xizmat ko‘rsatish uchun Xitoyning Global va mintaqaviy tahlil va prognozlash tizimi (grafikalar), sun’iy yo‘ldosh ma’lumotlarini assimilyatsiya qilish, murakkab yerlarda yuqori aniqlikdagi ansambl prognozlash (masalan, katta girdoblarni modellashtirish va turli xil qishki sinoptik sharoitlarda hisoblash gidrodinamikasini simulyatsiya qilish) asosida ikkita tog‘li mintaqada raqamli prognozlash usullari takomillashtirildi.

Bundan tashqari, barcha tadbirlar o‘tkaziladigan joy va tadbirlar uchun ob-havo ma’lumotlari va prognozlari bilan (harorat, namlik va shamol tezligi) maxsus veb-portal ishga tushirildi (http://www.zgqxb.com.cn/zt/2022zt/2022dongao/).

O‘zgidromet jamoasi Qishki Olimpiya o‘yinlarida sport musobaqalarini faol kuzatib boradi va sportchimiz Komiljon Tuxtaevga boshlanish kunida ob-havo sharoiti yaxshi bo‘lishini tilaydi, qobiliyatlaringizga bo‘lgan ishonchni yo‘qotmang va kerakli natijalarga erishing!