Respublika bo‘yicha asosan quruq va o‘rtacha iliq ob-havo kutilmoqda

Ushbu hafta davomida O‘zbekiston bo‘yicha ob-havoni keskin o‘zgarishi kutilmaydi.

31 yanvar va 1-4 fevral kunlarida respublika hududi bo‘yicha yog‘ingarchilik kutilmaydi, faqat 2 fevralda janubiy hududlarda biroz yomg‘ir yog‘adi.

Kechasi va ertalab ba’zi joylarga tuman tushishi kuzatiladi. Shamol asosan kuchsiz bo‘ladi.

Kechalari harorat 0-5° iliq atrofida, ba’zi joylarda 2° sovuqqacha, shimolda hafta boshida 4-° sovuqqacha bo‘ladi.

Dushanbadan payshanbagacha kunduz kunlari 5-10° iliq atrofida, ba’zi joylarda 12° iliqqacha bo‘ladi.

Juma kuni yer bosimining keskin pasayishi boshlanadi va harorat 11-14° iliqqacha, janubda 15-17° iliqqacha ko‘tariladi. Respublika bo‘yicha ba’zi joylarda shamol 17-22 m/s gacha kuchayishi kutilmoqda.