O‘ZBEKISTON BO‘YICHA 2025-YIL 1-4-APREL KUNLARIGA OB-HAVO PROGNOZI
01.04.2025
Aprel oyining birinchi kunlarida O‘zbekiston hududi bo‘yicha quruq va iliq ob-havo bo‘lishi kutilmoqda.
Havo harorati ko‘tarilishi davom etadi. Bugun va ertaga kunduzi harorat
22-27 darajani tashkil etadi, ish haftasining oxiriga kelib havo 28-30 darajagacha, janubda va cho‘l hududlarda 33 darajagacha isiydi. Bu aprel oyi boshi uchun bo‘lgan me’yoriy qiymatlardan 5-7 darajaga yuqoridir.
Respublikaning shimoli-g‘arbiy hududlari – Qoraqalpog‘iston Respublikasi, Xorazm viloyatda 1-3 aprel kunlari kunduzgi harorat 25-30 daraja bo‘lgan quruq va juda iliq ob-havo bo‘lishi kutilmoqda, 4 aprelda esa harorat 5-7 darajaga pasayadi, ba’zi joylarda yomg‘ir yog‘ishi mumkin.
Shamol sharqdan 7-12 m/s tezikda esadi, 3-4 aprel kunlari respublika bo‘yicha 15-20 m/s gacha kuchayishi mumkin.
Bugun Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Shamol sharqdan 3-8 m/s tezlikda esadi. Harorat kechalari 10-15 daraja, kunduz kunlari 1-2 aprelda 24-26 daraja,
3-4 aprelda 26-29 daraja bo‘ladi.
O‘zgidromet
2025-yil 1-aprel
