O‘ZBЕKISTON BO‘YICHA 24-26 NOYABR KUNLARIGA OB-HAVO PROGNOZI
24.11.2023
Bugun va dam olish kunlari O‘zbekiston hududi bo‘ylab havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi.
Havo haroratining asta-sekin ko‘tarilishi davom etadi. Bugun kunduzi harorat 15-18o gacha ko‘tariladi, shanba kuniga kelib 17-20° gacha, yakshanba kuni esa 20-23° gacha isiydi. Harorat kechasi 5-10° iliq atrofida bo‘ladi.
Shamol sharqdan 7-12 m/s tezlikda esadi,bugun kunduzi ba’zi joylarda shamol 15-20 m/s gacha kuchayadi.
Poytaxtimizda: 24-26 noyabr kunlari havo o‘zgarib turadi, yog‘ingarchilik kutilmaydi. Shamol sharqdan 3-8 m/s tezlikda esadi. Harorat kechalari 7-9° iliq, kunduzi 24 noyabrda 15-17° gacha, 25 noyabrda 16-18°, 26 noyabrda 19-21° atrofida bo‘ladi.
