2025-YIL MART OYI QANDAY BO‘LDI

Joriy yilning mart oyi iqlimiy me’rga yaqin bo‘ldi. U haroratning keskin o‘zgarib turishi va yog‘ingarchilik notekis bo‘lishi bilan tavsiflandi.

Mart oyining birinchi besh kunligi o‘rtacha me’yordan 
5-7 darajaga past bo‘lib, havo juda sovuq bo‘lishi kuzatildi. 
Eng sovuq kechalarda (3-4 mart) hududning katta qismida havo harorati 
3-8 daraja sovuqqacha, shimolda 12-17 daraja sovuqqacha 
(Ustyurtda 23-24daraja sovuqqacha) pasaydi.

Mart oyi birinchi o‘n kunligining oxiriga kelib, havo harorati ko‘tarila boshladi va uchinchi o‘n kunlikning o‘rtalarigacha O‘zbekiston hududining katta qismida juda iliq ob-havo kuzatildi. Harorat foni me’yordan 
2-7 darajaga, ayrim kunlarda 8-11 darajaga, shimolda esa 12-15 darajaga ko‘p bo‘ldi.

Eng issiq kunlarda havo 25-30darajagacha, janubda 
31-35darajagacha isidi, bu mart oyidagi maksimal havo haroratining mutlaq qiymatlariga yaqin bo‘ldi.

Uchinchi o‘n kunlikning o‘rtalarida O‘zbekiston hududiga Rossiyaning Yevropa hududlaridan sovuq havo kirib keldi va havo harorati me’yordan yana 3-6 darajaga pasaydi. Qoraqalpog‘iston Respublikasining ayrim joylarida harorat kechalari biroz sovuqqacha pasaydi.

Mart oyi nisbatan issiq bo‘lib, o‘rtacha oylik havo harorati me’yordan 1-2 darajaga ko‘p bo‘ldi.

1 mart kuni Qoraqalpog‘iston Respublikasi va Xorazm viloyatida, 
2-3 mart kunlari respublika hududining katta qismida asosan qor ko‘rinishidagi yog‘ingarchilik kuzatildi. Tekislik hududlari bo‘yicha (Farg‘ona vodiysi viloyatlaridan tashqari) balandligi 3 sm dan 13 sm gacha bo‘lgan qor qoplami hosil bo‘ldi. Qor qoplami tekislik hududlarda 1-2 kun, Qoraqalpog‘iston Respublikasida 4-6 kun davomida saqlanib turdi. 
Mart oyi va ayniqsa oyning boshi uchun qor qoplamining qisqa muddatga shakllanishi  - bu deyarli odatiy holdir.

7-8 mart kunlari respublika bo‘yicha yomg‘ir yog‘di, tog‘larda qor yog‘di, keyinchalik O‘zbekistonda uzoq davr davomida asosan quruq 
ob-havo qayd etildi.

Mart oyi uchinchi o‘n kunligining boshida yana yomg‘ir yog‘ishi boshlandi. Bunda o‘rta troposferada yuqori antisiklon hosil bo‘lib, 
u O‘zbekiston hududi ustida bir necha kun davomida nam havo sirkulyatsiyasini saqlab turdi.

22-23 mart kunlari shimoli-g‘arbiy hududlarda, 24-27 mart kunlari respublika hududining katta qismida, 28mart kuni sharqiy hududlarda vaqti-vaqti bilan yomg‘ir yog‘di, ba’zi joylarda kuchli bo‘ldi. 
Ayrim hududlarda birinchi bahoriy momaqaldiroqlar qayd etildi.

Oylik yog‘in miqdorining katta qismi shu davrga to‘g‘ri keldi.

Respublika hududining katta qismida mart oyi uchun yog‘ingarchilikning umumiy miqdori oylik me’yor atrofida va undan kam bo‘ldi. Mart oyida eng quruq hududlar Buxoro viloyati va Navoiy viloyatining janubiy qismi bo‘lib, bu yerda yog‘ingarchilik oy davomida me’yordan 
40% dan kam bo‘ldi.

Faqat Qoraqalpog‘iston Respublikasi, Xorazm, Surxondaryo viloyatlarida yog‘ingarchilik oylik me’yordan 1,2-1,7 barobar ko‘p bo‘ldi.

Respublikaning tog‘li hududlarida mart oyida qorning jadal erishi kuzatildi. Oy oxiriga qor qoplami faqat Toshkent viloyatining baland tog‘li hududlarida saqlanib turdi, ammo u yerda ham qor balandligi o‘rtacha ko‘p yillik ko‘rsatkichlarga nisbatan kam bo‘ldi.