2023 yil iyul oyi uchun kuzatuvlar tahlili
03.08.2023
2023 yil iyul oyi barcha joylarda iqlimiy me’yordan 1,5-2,5o ga iliqroq bo‘ldi.
O‘zbekistonda yoz faslining o‘rtasi odatda qanday issiq bo‘lsa ushbu yilning iyul oyi katta qismi ham shunday issiq bo‘ldi.
Oyning harorat tartibi har turli bo‘ldi. Birinchi o‘n kunlikda O‘zbekiston hududiga Kavkazdan salqin havo kirib keldi va hududning katta qismida 32-36o atrofida bo‘lgan qulay havo harorati kuzatildi va hatto respublikaning eng chekka janubida ham harorat 37-39o dan yuqoriga ko‘tarilmadi.
Ammo ikkinchi o‘n kunlikning boshidan boshlab yoz respublika hududida o‘z ta’sirini o‘tkazishga qaror qildi. Respublika hududiga Erondan yana issiq tropik havo kirib kelishi boshlandi va harorat ko‘tarildi. O‘zbekistonning katta qismida kunduzgi harorat 37-40o atrofida, eng issiq davrlarda esa 41-42o gacha, janubda 43-45o gacha, cho‘l hududlarda va Orolbo‘yida 46o gacha bo‘ldi.
Iyul oyida harorat 40o va undan yuqori bo‘lgan kunlar soni: Toshkentda 8 kun (o‘rtacha yillik qiymati (me’yor) 2 kun), Termiz shahrida 24 kun (me’yor 16 kun), Nukusda 8 kun (me’yor 4 kun) qayd etildi.
Issiq ob-havo bo‘lishiga qaramay, iyul oyida maksimal havo harorati yangi rekordlarni o‘rnatmadi.
|
Meteostansiya |
2023 yil iyul oyida maksimal havo harorati |
Barcha kuzatuv yillari uchun mutlaq maksimal harorat |
|
Toshkent |
42,3 |
44,6/1997 yil |
|
Nukus |
43,0 |
46,0/2018 yil |
|
Mo‘ynoq |
45,8 |
46,5/2019 yil |
|
Urganch |
44,2 |
45,5/2018 yil |
|
Buxoro |
43,6 |
46,0/1997 yil |
|
Jongeldi |
45,2 |
49,0/1983 yil |
|
Navoiy |
44,2 |
45,9/2021 yil |
|
Buzaubay |
46,1 |
49,5/1983 yil |
|
Samarqand |
40,6 |
42,4/1983 yil |
|
Jizzax |
41,1 |
44,5/1919 yil |
|
Guliston |
42,2 |
45,0/1944 yil |
|
Qarshi |
44,1 |
47,4/1944 yil |
|
Termiz |
44,6 |
48,6/1914 god |
|
Andijon |
40,8 |
41,7/1953 god |
|
Namangan |
41,5 |
42,4/2021 god |
|
Farg‘ona |
41,9 |
42,2/1944 god |
Eng issiq iyul oyi reytingida 2023 yil iyul oyi hududning kattta qismi bo‘yicha 2019 va 2021 yillarning iyul oylaridan so‘ng birinchi uchlikka kirdi. Respublikaning g‘arbiy va janubi-g‘arbiy hududlari bo‘yicha bu yilning iyul oyi eng issiq iyul oylar orasida 4-6-o‘rinni egalladi.
2023 yil iyul oyi quruq bo‘ldi, bunday holat O‘zbekiston bo‘yicha ushbu oy uchun xosdir. Hududning katta qismida yomg‘ir umuman yog‘madi yoki ularning miqdori biroz bo‘ldi. Faqat respublikaning tog‘li hududlarida bir oy ichida 13 mm dan 30 mm gacha, Toshkent viloyatining baland tog‘larida va Qamchiq dovonida esa oy uchun yog‘ingarchilik
35-48 mm gacha bo‘ldi.
