Mukofot muborak, aziz hamkasblar!

Davlatimiz rahbarining “O‘zbekiston Respublikasi mustaqilligining 30 yilligi» esdalik nishoni bilan mukofotlash to‘g‘risida”gi tegishli Farmoni asosida mamlakatimiz taraqqiyotiga munosib hissa qo‘shgan, xalqimiz faravonligini ta’minlash, yoshlarni sog‘lom va barkamol avlod qilib tarbiyalashdagi alohida fidoyilik ko‘rsatayotgan bir guruh yurtdoshlarimiz “O‘zbekiston Respublikasi mustaqilligining 30 yilligi” esdalik nishoni bilan mukofotlandi.

Mukofotlanganlar orasida O‘zbekiston Respublikasi Gidrometeorologiya xizmati markazi xodimlarining ham borligi Markazimiz butun jamoasini behad quvontirdi.

Mamlakatimizni har tomonlama taraqqiy ettirish, uning jahon miqyosidagi shon-shuhratini oshirishga katta hissa qo‘shayotgan, davlatimiz iqtisodiyoti va aholi farovonligini yuksaltirishda ibrat va namuna bo‘lib kelayotgan hamkasblarimizning fidoyiligi mukofotlandi.

Davlatimiz rahbari tomonidan bildirilgan ushbu yuksak e’tirof — “O‘zbekiston Respublikasi mustaqilligining 30 yilligi” esdalik nishoni bilan mukofotlangan hamkasblarimizni samimiy tabriklaymiz.