O‘ZBEKISTON BO‘YICHA 2024 YIL 4-6 OKTABR KUNLARIGA OB-HAVO PROGNOZI

Bugun kunduzi O‘zbekiston hududining katta qismida iliq va quruq ob-havo saqlanib turadi, faqat Qoraqalpog‘iston Respublikasi, Xorazm, Buxoro, Navoiy viloyatlarida va kechga tomon Toshkent, Samarqand, Jizzax, Sirdaryo viloyatlarida ayrim joylarda qisqa muddatli yomg‘ir yog‘ishi mumkin. Havo harorati kunduzi 26-31^o ni tashkil etadi, janubda ba’zi joylarda 33^o gacha bo‘ladi.

Dam olish kunlari respublika hududiga Kaspiy dengizi janubidan nam 
va nisbatan salqin havo massalari kirib kelishi kutilmoqda. Hududning katta qismida yog‘ingarchiliksiz ob-havo saqlanib turadi, faqat markaziy va sharqiy hududlarda ba’zi joylarda yomg‘ir yog‘adi, tog‘ oldi va tog‘li hududlarda ayrim joylarda kuchli bo‘lishi, baland tog‘larda qorga aylanishi mumkin.

6 oktabrda respublikaning ayrim tog‘ oldi va tog‘li hududlariga tuman tushishi mumikn.

Shamol 7-12 m/s tezlikda esadi, respublika bo‘yicha 15-20 m/s gacha kuchayishi, ayrim joylarda chang-to‘zonlar bilan kuzatilishi mumkin.

Havo harorati kechalari 5 oktabrda 12-17^o ni, 6 oktabrda 10-15^o ni tashkil etadi, kunduz kunlari 20-25^o gacha pasayishi kutilmoqda.

Poytaxtimizda: 4 oktabrda kechqurun biroz qisqa muddatli yomg‘ir yog‘ishi mumkin. Shamol sharqdan 3-8 m/s tezlikda esadi, kechga tomon 
11-13 m/s gacha kuchayishi mumkin. Harorat 28-30^o bo‘ladi.

5-6 oktabrda vaqti-vaqti bilan yomg‘ir yog‘adi. 

Havo harorati 5 oktabrda kechasi 15-17^o, kunduzi 22-24^o, 6 oktabrda 
kechasi 12-14^o, kunduzi 20-22^o bo‘ladi.

Shamol sharqdan 5-10 m/s tezlikda esadi.

2024 yil 4 oktabr

O‘zgidromet