O‘ZBEKISTON BO‘YIChA 25 IYuN-2 IYuL KUNLARIGA OB-HAVO PROGNOZI

O‘zbekiston aholisi bayramni qulay ob-havo sharoitida kutib oladilar

Bu yil "Chilla" davri salqin ob-havo bilan boshlandi.

25 iyun kuni Kavkaz hududlaridan salqin havoning yana bir qismi kirib kelishi hisobiga havo harorati 29-32^o gacha, ba’zi joylarda esa undan ham pastroq bo‘ladi. Kechasi va ertalab salqin havo yaxshi sezilmoqda, hududlarning katta qismida harorat kechasi 15-18^o ga pasaydi. Faqat Surxondaryo viloyatida kunduzgi harorat 40-42^o bo‘lgan issiq ob-havo saqlanib turdi. Respublikaning bir qator tumanlarida biroz yomg‘ir yog‘di.

Bugun respublika bo‘yicha harorat 30-33^o, janubda 39-41^o bo‘lgan salqin ob-havo saqlanib turadi.

27 iyun-30 iyun kunlari havo harorati biroz ko‘tariladi va 34-37^o, janubda 39-41^o gacha atrofida bo‘ladi.

Faqat shanba va yakshanba kunlari 1-2 iyulda O‘zbekiston hududiga issiq havo kirib kelishi kuchayadi va kunduzgi harorat yana 38-40^o gacha, janubda ba’zi joylarda 42^o gacha ko‘tariladi.

Ushbu haftaning oxirigacha respublika bo‘yicha havo asosan kam bulutli bo‘ladi, yog‘ingarchilik kutilmaydi, faqat Farg‘ona vodiysi hududlari bilan chegaradosh tog‘ oldi va tog‘li hududlarda 26-28 iyun kunlari ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.

26 iyunda shimolda, 27-29 iyunda respublikada ba’zi joylarda shamol tezligi 13-18 m/s gacha kuchayishi, ayrim joylarda chang-to‘zon bilan kuzatilishi mumkin.

Poytaxtimizda havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Sharqiy yo‘nalishdagi shamol birozdan o‘rtachagacha esadi. Harorat bugun kunduzi 32-34^o, 27 iyun-30 iyunda 34-37^o, 1-2 iyulda 37-40^o bo‘ladi.