O‘zbekiston bo‘yicha 14-18 martga ob-havo prognozi

Hafta davomida yomg‘irli ob-havo saqlanib turadi

14-17 mart kunlari respublika bo‘yicha beqaror ob-havo saqlanib turadi. Ko‘pchilik viloyatlarda vaqti-vaqti bilan yomg‘ir yog‘adi, 14-16 mart kunlari ba’zi joylarda kuchli bo‘ladi, momaqaldiroq bo‘lishi mumkin. Qoraqalpog‘istonda, Xorazm viloyatida 14 martda va 16-17 mart kunlari ba’zi joylarda yog‘ingarchilik (yomg‘ir, qor), asosan biroz bo‘ladi.

Haftaning birinchi yarmida kunduz kungi harorat 14-17° iliqdan 8-11° iliqgacha o‘zgarib turadi, chorshanba kuni 16-21° iliqgacha ko‘tariladi.

18 mart juma kuni O‘zbekiston hududiga Rossiyaning Yevropa qismidan sovuq havo massasi kirib keladi. Respublika bo‘yicha yomg‘ir yog‘adi, ayrim joylarda yomg‘ir qisqa muddatga qorga aylanishi ehtimoli bor. Kunduz kuni havo harorati  7-10° iliqgacha pasayadi.

Hafta davomida rsepublika bo‘yicha ba’zi joylarda shamol 17-22 m/s gacha kuchayadi, momaqaldiroq paytida shamol kuchayishi 25-28 m/s gacha yetishi mumkin.

Respublikaning tog‘ oldi va tog‘li hududlarida yog‘ingarchilik yomg‘ir va qor ko‘rinishida bo‘ladi, 14-16 martda ba’zi joylarda kuchli bo‘ladi.

Tog‘ oldi va tog‘li hududlarda sel kelishi, tog‘larda qor ko‘chishi xavfi bor.