Ўзбекистон Республикаси Табиат ресурслари вазирлиги

Гидрометеорология хизмати агентлиги ҳузуридаги

“Гидрометеорологияда ахборот-коммуникация технологияларини ривожлантириш Маркази” давлат муассасаси

МАЪЛУМОТНОМАСИ

Ташкилот номи: Гидрометеорологияда ахборот технологияларини ривожлантириш маркази

Ташкилот раҳбари: Болтабаев Форух Назируллаевич

Юридик манзили: 100052, Тошкент шаҳар, Юнусобод тумани, Бодомзор йўли 1-тор кўчаси, 72-уй

Телефон / факс (+998 78) 503-21-20, (+998 78) 150-86-30

Веб-сайти: www.hydromet.uz

Электрон почтаси: mtb@meteo.uz

Иш тартиби: 9:00 дан 18:00 гача, тушлик соат 13:00 дан 14:00 гача,

Гидрометеорология хизмати агентлигининг асосий фаолияти тўғрисида маълумот

Марказ (кейинги ўринларда – Метеоинфоком) Ўзбекистон Республикаси Вазирлар Маҳкамасининг 2021 йил 8 майдаги 289-сон қарори асосида ташкил қилинган.

Марказнинг асосий вазифалари этиб қуйидагилар белгиланган:

- гидрометеорология хизмати самарадорлигини ошириш, электрон хизматларнинг ўз вақтида тақдим этилишини таъминлайдиган замонавий интеллектуал тизимлар, ахборот ресурслари ва дастурий маҳсулотларни жорий этиш;

- гидрометеорология хизматининг технологик инфратузилмасини ривожлантириш, электрон ўзаро ҳамкорликни ташкил этиш ва гидрометеорологик ҳамда сунъий йўлдош маълумотлари билан алмашиш учун ягона телекоммуникация тармоғини яратиш;

- катта ҳажмдаги рақамли маълумотларга ишлов бериш ва таҳлил қилиш, гидрометеорологик ва сунъий йўлдош маълумотларини моделлаштириш учун юқори тезликка эга компьютер марказларидан кенг фойдаланиш;

- гидрометеорология хизмати ходимларининг, айниқса, катта ҳажмдаги рақамли маълумотлар, компьютер моделлаштириш, сунъий йўлдош технологиялари ва ахборот хавфсизлиги соҳасидаги кўникмаларини ошириш.